( أوصيك يا ولدي ) بقلم الشاعر عصام السنان

 عصام السنان

( أوصيك يا ولدي)

الصبح أهو طلع* * *والكل قام يسعى

وربك وزع الأرزاق* * *والكل أولاد تسعة

متبصش لغيرك يا ابني* * *وارضى بالمكتوب

الرزق وزعو هوا* * *ويا بخت اللي بات مغلوب

مثل قالوه زمان* * *ربك د رب قلوب

ميبصش لأشكالنا* * *ولا شئ عليه محجوب

أوعاك تمد أيدك* * *أوعاك تعيش معيوب

اللي هتعمله النهاردة* * *هيبقى عليك محسوب

أوعى التراب لمام* * *أوعاك يا واد لزنوب

بتقل الأحمال* * *واللي يطب يدوب

بدعيلك ربي يا ولدي* * *يكفيك شر الغيوب

ويكون سعيك حلال* * *وتصبر صبر أيوب

دي جنة الرحمن* * *أكبر جزاء مطلوب ( بقلم عصام سيد محمود - عصام السنان