أنا بردان بقلــــم الشاعر: عــــادل الشـــــهــابى

أنا بردان

حبيبتى بردان دفينى ....

بلاش مسافات بينك وبينى ...

ضمينى ليكى وصحى حنينى ...

بيكى أنتى راح تحلى سنينى ...

بلاش ببعدك عنى تعذبينى ...

بردان حبيبتى بحضنك دفينى ..

من غيرك أنا بيأن أنينى ...

قربى علشان أعرفك وتعرفينى ...

حبيبتى يلا نطوى الماضى اللى كان ...

سبب فى فراقنا حبيبتى زمان ...

تايهه من غيرك وسط الأهل والجيران ....

وفى حر الصيف قلبى من غيرك بردان ..

سامعك حبيبتى بتعتبينى ...

على دمعه شوفتيها فى عينى ...

وعلى ضحكه غابت من شفتينى ...

قولت كتير بحبك ليه ما سمعتينى ...

حرام يا حبيبتى الخصام ..

أرحمى عيونى مش عارف أنام ...

صدقينى حبى ليكى مش مجرد كلام ..

معايا النجوم كمان سهرانه ..

ومن الحزن عيونى بقت دبلانه ...

وقلبى طمعان يرجع من تانى هوانا ..

ويطلع بقا الشوق اللى جوانا ..

نفرح وحبايبنا يفرحوا معانا ...

حبيبتى يا أجمل أغنيه ....

يا أحلى صوره شافتها عنيه ...

تعالى نخلى أيامنا ورديه ...

حبيبتى بردان دفينى ...

بلاش مسافات بينك وبينى ..

ضمينى ليكى وصحى حبيبتى حنينى ..

بقلــــم: عــــادل الشـــــهــابى