وحشتيني بقلم أ محمد عسل

(وحشتيني)

 

صحيح الدنيا مليانه قلوب لكن...
ماحستش بمعاني الحب غير ليكي..
ولا كان الحبيب ينفع يكون غيرك... ...
ولا عاشت مشاعر قلبي غير فيكي..
صحيح فاتت سنين العمر ف غيابك...
صحيح إن البعاد أصبح أراضيكي...
لكن مشتاق أحُط الورده ف كتابك..
ووالله وحشني الحُضن ف عنيكي..
بنظرة شوق بكلمه تهدي أعصابك..
بحبك كلمه كات دايما بترضيكي..
وحشني الضحكه وسكوتك مع عتابك..
وإسمي الحلو من صوتك مع إديكي..
سلامنا وشوقنا ووقوفك مع صحابك...
ورغم بنات لكن غيرتي بتحميكي...
وأغنية بحبك موت وإعجابك...
وترديدك مع كلمة أنا ليكي...
وغمزة عينك الحلوه مع الحاجب...
وينبض قلبي ف يغذي الوريد فيكي...
وحشني الخد يتلون بلون أحمر...
وحشني عيوني وقت الشوق تناديكي...
ولما تجيني فيكي حنين بيتمخطر...
وتيجي تلاقي حُب وقلب شاريكي..
ولما تقولي مشتاقه أرد واقول أنا أكتر...
وأقولك دُبت ف غيابك تقولي غيابي كاويكي.
وحشني ترُد فيا حياتي من تاني...
وحشني تعود من الغُربه أراضيكي...
ومهما أقول وحشتيني ووحشاني...
كلام الكون مع حروفه ما يكفيكي.

 

 

بقلم...محمد عسل