GuidePedia
حدوتة قلب عاشق
كتب حروفها الزمن
كان قلبي لقلبه عاشق
وأهو باعه بأرخص تمن
دوقنا مرار الفراق
وأتبددت الأشواق
ونسينا الأشتياق
كانت أحلام قلب عاشق
عايش يحلم ببكره
راحت وحبيبي فارق
والباقي منها ذكره
عالحب أحنا أتوعدنا
مهما البعاد ياخدنا
مايفرق لحظه بينا
ياحبيبي أيه جرلنا
نسكت ونقول قدرنا
ولا أحنا روحنا خونا
مسكين ياقلب العاشق
تايه بين الحروف
مكتوب عليك تفارق
ولسه ياما تشوف
طول ماأنت لسه عايش
ياما هتشوف حقايق
ماخلاص أشواقنا هانت
كل الحقيقة بانت
أصل الحكايه كانت
حدوتة قلب عاشق -----
Top
إرسال تعليق