أحباب الله
هو : مين أحباب الله
هم : صُـنَّاع الحياه
هم : صُـنَّاع الحياه
اللي بيبني واللي يعمّر
واللي بيزرع واللي يخضّر
واللي ف وقت الشِدّه يشمّر
دول أحباب الله
واللي بيزرع واللي يخضّر
واللي ف وقت الشِدّه يشمّر
دول أحباب الله
اللي يربي واللي يعلم
واللي يداوي جراح متألم
واللي يدافع عن متظلم
دول أحباب الله
واللي يداوي جراح متألم
واللي يدافع عن متظلم
دول أحباب الله
واللي بيسهر ويّا كتابه
ويقدم للعلم شبابه
ويخوض البحر ولايهابه
دول أحباب الله
ويقدم للعلم شبابه
ويخوض البحر ولايهابه
دول أحباب الله
واللي بيحلم حلم بلاده
وبيشقي علي رزق ولاده
وبيحمد ربه علي زاده
دول أحباب الله
وبيشقي علي رزق ولاده
وبيحمد ربه علي زاده
دول أحباب الله
واللي عطوف القلب وطيّب
واما بيزعل زعله قريّب
عمره عن الأحباب ما يغيّب
دول أحباب الله
واما بيزعل زعله قريّب
عمره عن الأحباب ما يغيّب
دول أحباب الله
واللي يحب لنفسه الخير
زي ما بيحبه للغير
والحقَّاني لسان وضمير
دول أحباب الله
زي ما بيحبه للغير
والحقَّاني لسان وضمير
دول أحباب الله
إرسال تعليق