ولا هما ولاد جارنا
**************
ندارى خوفنا بإيدينا ونخفى شئ محيرنا
ونتباهى نقول أحرار وكان العار فى مشوارنا
ونعمل روحنا م الأبطال ونبدأ نحكى أسرارنا
ونشكى سنين فى سجن لموت يوصلنا
وفجأه صوتنا يخدعنا وينقش كدب فى جدارنا
بنشكى وسط حكاوينا ونزرع شوك ف أوتارنا
بنسقى السم جوه الدار بيحصد نار فى أعمارنا
سواد القلب جوه الروح على غدره مقدرنا
وعشنا بين عذاب وسراب وتوب الأسوة غيرنا
كتاب إبليس شيطان وخسيس حرق وسط الدروب دارنا
خطوط فيها العذاب أسرار وطوق مكار يدمرنا
وبين الغدر والخثة شربنا المُر وإختارنا
نعيش وسط الحياه صابرين نقول راضين بأقدرانا
لا هما دول ولاد الدار ولا هما ولا د جارنا
لا هما دول مرايتنا ولا بيتنا ولا عايشين ف أفكارنا
لاهما دول روايتنا ولا ليهم غوايتنا ولا صوتهم بيكسرنا
لاهما دول عدم موصول علل وتذول ولا موتهم يحسرنا
محمد سالم
إرسال تعليق