أبو
زلومه
الفول
عجميه وفيه لوز
صغرنى
منا كنت عجوز
واتنطط
والعب ف الحارة
واشربى منه
كام كوز
يا جماله
مع زيت الحار
والشطه
بتشعلل نار
وحبه
فلفل وخيارة
وميه
طرشى وبهار
بصبح
واتمسى بجنابه
أنا
اصلى بقيت من أصحابه
انا جدى
اتحسر لشبابه
كان وحش
الحته ومغوار
كان ياكل
بصله مشويه
وحزمه
فجل منديه
والعيش
السخن ف جلبيه
ويحبه
مخلوط تقليه
ومعاة
قرصين كدة طعميه
ويفرد
الكل ف طبليه
وياكل
بسنان منشار
وأنا
قلبى بسرعه بيولع
لو شفت
الادرة بتتدلع
وبحس
بركبى بتتخلع
م
الفرحه الف ف دوار
والناس
تتلم وتسقينى
تغرف ف
مدمس تدينى
واستعبط
وانا فاتح عينى
هو احنا
ف ليل ولا نهار
بصراحه يا عالم خلانى
اخرج من همى واحزانى
وبمهد واسن سنانى
واتصور وياة تذكار
دة باشا
وبيحب اللمه
تعتر ف
مكانه من شمه
للصايم
ولاهل الزمه
دنيا ومليانه اسرار
فاكرين الفول ابو زلومه
هعزمك مش بس عزومه
دنا اصلا عندى معلومه
ف وزارة الصحه بقى عقار
إرسال تعليق