قصيده بعنوان
(أيوه يادنيا. ؟!)
إنت حره
بيطلع لك
إعملى فينا ما
بدى لك.
ركبينا الموجه.
وإعلى منين ترسى
ودينا.
ذلى فينا
وإطحنينا
و بسكاكينك
على إرقبنا
وإدبحينا.
وإقهرينا ونسينا
أسامينا.
بيطلع لك
غربينا ومرمرينا.
دوخينا وحيرينا.
وعند ما يجى
الموت بسرعه
داخل قبورنا
وإحدفينا.
كرهناك وقرفناك.
مع إنك فانيا
ومتستهاليش.
وبين ملكوته
متتعديش.
فرقتينا عن
حبيبنا وأولادنا
وأهالينا.
فين زمنا
وقت ما كنا
أطفال لينا براءه
فى عيونا.
وكنا لسه
فى اللفه
بنضحك من
قلوبنا
كبرنا وبقينا
إعيال نلعب
نجرى مانزهقش.
نوصل ليلنا
بنهارنا.
نفكر إننا
أبطال.
أتاريك مخبي لنا.
فى صندوق
الهم عندك
مشانقنا بحبال.
وركن لنا
مواجعنا.
وآهاتنا وأنين
ودموع.
وهموم تحتار
فى شيلها
جبال.
طيب أوزنى
بالعدل مره
تعب ومره
راحه وحظ
حلو مش كله
سلخ جلد.
ومد إيد
وضربك لينا
بمطارق حديد.
عجزنا وشيخنا
وشعرنا شاب
وعبيت لنا
المرض فى
شوال تلاقى
مريض سكر
ودا سرطان
وإل بمريض
بفشل كلوى
وضغط وإل
كان بينا
وصحة تمام
فى دقيقه
مات بكرونا.
ياريت تقولى لنا
مخبي لنا إيه
تانى وإيه
ناقص بتقلبينا
وتعدلينا مره
فرح وألف
جرح ومليون
قهر فى صدورنا
بنتحمل ومش
عجبك.
صبرنا على همك
وغمك والحزن
إل مالينا
توهنا عن دربك.
لا مرسى
ولا مينا.
غداره ومكاره
وديما رميانا
بحجاره.
لا أخ عجبه
أخوه ولا إبن
عجبه أبوه
ولازوجه راضيه
بقدرها ولا شكروا
مره وحمدوه.
لارضيه وعايشه
بقليله. ولا يوم
فى مره نصفوه.
والقلب يا كلنا
علشانهم رغم
تعبه ما شالوه.
وهو دا حالنا
يادنيا إنت
حره وبيطلع لك
إعملى فينا
مابدى لك.
تقدرى تقولى لنا
فين شوقنا
فين إحساسنا
ومشاعرنا
فين حبنا المدفون
فى صدرونا
فين حقى أنا
فيك عرفينى
عنوانك وإكتبيه
لي فى ثانيه
وأنا أجيى لك.
وإيه إل أنا
أخدته منك.
غير قهر وغير
غربه وغير
هجر وغير
حرمان عن
أهل وعن
خلان ملعونه
إنت والله.
وملعون كل إل
يتبع لك.
وملعون أبوه
إل فى يوم
قاعد ليك
ويسمع لك
ما هو صحيح
بيطلعلك.
1/1/2021
ترنيمات وخواطر. بقلم)
خيرى حسنى...............)
إرسال تعليق