هـوّ كل حـاجـه ليـا
ــــــــــــــــــــــــــ
الحقيقه هوّ كل حاجه ليا
هوّ حياتي والسعاده والهنا
أنا لو راح أوصف حبي ليه
محتاجه ميت مليون سنه
غاب عني ياما ومهما غاب
ما فتحت مرّه وياه العتاب
حتى في هجره وجرحه ليا
أنا ببقا ضله والسحاب
نفسي أضمه في كل ثانيه
وأنسى معاه دمع العذاب
ما هي دي هيّ الحقيقه
واللي يقول غير كدا كداب
هوّ حياتي والسعاده والهنا
أنا لو راح أوصف حبي ليه
محتاجه ميت مليون سنه
وياه بحس بالأمان
وضحكته هيّ الدوا
عرّفني إيه معنى الحنان
وعرفت إيه معنى الهوى
دي عيونه لما تبصلي
بسرح واتوه في نظرته
وارجع لحضنه يضمني
واعشق كلامه وهمسته
لما يقول لي يا أنا
ما هي دي هيّ الحقيقه
هوّ كل حاجه ليا
هوّ حياتي والسعاده والهنا
أنا لو راح أوصف حبي ليه
محتاجه ميت مليون سنه
ــــــــــــــــــــــــــ
ليالي احمد الأسعد
إرسال تعليق