يا أم الشهيد
أوعي يا أمي تصوتي
ولا عليَّ تعيطي
وقولي لأختي متزعليش
ون شفتتي دمي ما تحزنيش
وخلي ابويا يكون صبور
دا الدنيا لينا مكان عبور
ووصي اخويا يكون شجاع
علشان يرجع ال ضاع
وصحابي يبقوا كمان معاه
وميخلوش بينهم صراع
وكل فرد يعيش في مصر
يحميها ملي ف قلبه غدر
دا أصل أم الدنيا مصر
لازم نصونها ف كل عصر
أنا بس حاجة مزعلاني
بإيدين أخويا بتقتل
يا ام الشهيد متعيطيش
دنا نفسي اموت ولا تحزنيش
دا الدنيا لازم تنتهي
وحياتنا بعدين تبتدي
دا الدنيا جيفة معفنة
والآخرة عندي معطرة
فيها الفواكه واللحوم
والحور بأعداد النجوم
دا الود ودي إني أعود
للدنيا تاني واموت شهيد
وارجع واموت تاني من جديد
وف كل موتة هكون سعيد
دا انا عيشتي عيشة أنبيا
ف الجنة وف رضى ربنا
يم الشهيد افرحي
دا ابنك هيشفعلك
والجنة فيها مطرحك
وكل ال يشبهلك
خواطر أخيكم
محمود محمدي العجواني
إرسال تعليق