الرعيل الأول من القراء والعلماء
كلمات الشاعر الشيخ محمد شرف الكراديسي
**********
يلا نعيش وياهم .. عُلما كمان قراء
وعهد ولى ومضى .. لكنه كله رخاء
وشيخنا رفعت معانا .. وصوته له أصداء
غالى ياشيخ مصطفى .. يا أجمل القراء
ياشعيشع يلا قول .. سمعنا أجمل أداء
والبنا جاى بيسلم .. واحنا من السعداء
ياحُصرى رحمة ونور .. رتل كمان أجزاء
شعراوى أجمل مفسر .. وراح نسمع دعاء
شعشاعى كمان متعنا .. متع شباب وأباء
ياشيخنا عبدالباسط .. صوتك من السماء
وودانى سمعت زاهر .. وكان من العظماء
وامامنا عبدالحليم .. محمود وكله بهاء
ويلا نشوف شعبان .. صياد وعالى الأداء
عبدالعزيز حصان .. شرفنا كمان فى العزاء
وشيخنا كامل يوسف .. بهتيمى وكله حياء
وعينى لمحت طوبار .. وصوته كله عطاء
والعم حمدى الزامل .. وصلنا بعد عناء
يا محمد يا صديق .. منشاوى كله وفاء
وجه الزناتى الكبير .. وكان من الوجهاء
وعطية صقر ينادى .. اسألوا عنى الإفتاء
وفريد السنديونى .. طبعاً من النجباء
شحات محمد أنور .. قارئ وم الكرماء
ياسيدنا غلوش تحية .. دا إنت من الأمناء
يلا نشوف عمران .. دعاء كمان ورجاء
أحمد محمد عامر .. شرقاوى من النقباء
وجه دورك يا ليثى .. رائع وكلك ذكاء
ونقيبنا الطبلاوى .. أبو قلب كله وفاء
وسمعت صوت بينادى .. وجاى من السماء
لقيته صوتك ياسيد .. نقشبندى كله رجاء
ومحمد أحمد شبيب .. قارئ وكله عطاء
وشيخنا هاشم عامر .. عَلَمْ كل القراء
وشيخى عبدالنور .. دا امام من النبلاء
وهختم بشيخى على .. أبو قلب كله وفاء
يارب احشرنى معاهم .. أموات كمان وأحياء
ودى هدية منى .. كلمات مدح ورثاء
وهنشوفهم فى رمضان .. وعذراً لو فى أخطاء
وراح أسعد قلوبكم .. يوماتى فى كل مساء
إرسال تعليق