هلا يافرحة الخاطر
_______________
هـلا يافـرحـة الخـاطـر وقلـبـي الـيـوم هـلّابـك
هـلا باللـي علـى خــط الـغـلا فـاكـر عناويـنـي
انــا مـااصـك بيبـانـي بـوجـهـك واتـقـفّـا بـــك
مــادام ان الـوفـا مــازال بـاقـي بيـنـك وبيـنـي
هـلا بـك يـوم بانـت طلّتـك ثـمْ فاحـت اطيـابـك
نسيت اجروح كانت في قديم الوقـت تضنينـي
انا إنسان مـن دم ولحَـم هـون علـى اعصابـك
ولـو زليـت واثـق فيـك تسمـح. لــي وتعفيـنـي
تعـال ونسّنـي حـزنـن عمـيـق وهــم. متشـابـك
بقلبـن فـيـه ضـيـم الـوقـت يبعـدنـي ويدنيـنـي
تعال وشوف قلبي وش حصل له فترة اغيابك
ترادف به جروح اعمق من اطعون السكاكيني
هـلا مادمـت تكتبنـي قصيـد لْـزوم انـا اقـرابـك
أقـدّرْ مــن يقـدرنـي واصـافـي مــن يصافيـنـي
اذا حطيتنـي تاجـن تفاخـر بــه مــع اقرابك
فانـا والله ماارخـص قـدر مـن طيبـه يغطيـنـي
هـلا بالحـرف منـك ومعجـم الاعـذار بخْطـابـك
قريـتـه واستقـرّيـت ومـعـك قـــرّتْ مـوازيـنـي
انـا ماقـول غبـت وجيتنـي يـوم الزمـن جـابـك
وبشفـي غـل ماسويـت فينـي واقتضي دَيْني
اقـول اهـلا وطابـت عودتـك والقـلـب يهنـابـك
واحـس ان السمـا والارض برْجوعـك تهنينـي
رجعت لقلب من حُبـك حلـف ماينبـض الا بـك
وعينن ماتبـي الا شوفتـك وان غبـت تشقينـي
أبيع العمر لجلك لو خسرت الروح واحيـا بـك
كفايـة دام روحـك سالمـة لـي فـانـت تحييـنـي
هــلا عــد الـرمـال وماتـوفّي قـولــة اهـلابــك
هـلا بـك وابتسامـة منـك ترضيـنـي وتكْفيـنـي
============
============
إرسال تعليق