أعيش والصبر
------------
أعيش والصبر من صبرى
طرح صبار
وليل دنيتى الكاحل
يتغنى فيه متين موال
بقايا الروح محبوسة
ورا قضبان
لاعارفة تعيش في
دنيتنا
ولاقادرة علي الأحلام
فتتسحب مابين الدنيا
وقساها
ك سحبة خيط جوة
نسيج من الأوهام
تكون أقرب لناس
بايعين
تكون أبعد لناس شاريين
ويكويها مرار وآلام
فتتصبر وتتعشم
تقول بعد الضلام والليل
لابد نهار
يطول ليلها مع الأحزان
وتتبدل وتتغير
وطعم الصبر بيمرر
وبيطول مع الأيام
وعلقم صعب لحظة
يحن ويسكر
مشاهد صعب
تتبدل وتتغير
وروحها من الجراح
كفت
وبتحاول بكل ثبات
تتطبع
علي الصبر
ومراره
وماتتندم
فكان للصبر من صبرى
صراخ مسموع
أنا الصابر
كتير جداً لكن موجوع
يارب ارزقنى
صبر يكون
ك صبر أيوب
وإرضيني من الدنيا
ورجعني إليك
لأتوب
معاصي ذنوب
بتعصر قلبي جوايا
وتوهة
نفسى جوة قصة
وحكاية
كتير الدنيا واخدانا
وجوة الحلم وأحزان
روحنا رميانا
نقول صابرين
وجوانا م الوجع
فدادين
يارب إغفر
لروح أصلها كان طين
-------------
هناء محمود
--------------
إرسال تعليق