GuidePedia
تابت
الحلوه دى
بعد ما شابت
بقت بتهرب
م الزحمه
وتخاف تقرب
م اللحمه
وتستنى م الناس
الرحمه
وعايشه
ع الفول النابت
تابت تابت تابت
تابت
وماليه الدنيا ذنوب
ماكنتش سامحه
لحد يتوب
تعمل كتير
وتقول مكتوب
وف ناس شريفه
ياما عابت
تابت
بقت بتهرب م الزحمه
وتخاف تقرب للحمه
وتستنى م الناس الرحمه
وعايشه ع الفول النابت
تابت تابت تابت
ياما خربت
زمان فى بيوت
وف اى حته
ليها صتوه وصوت
ولا عمرها
فكرت ف الموت
حتى فى موت
امها غابت
وماشيه النهارده
على عكاز
صحه مافيش
ماهى جابت جاز
باعت سريرها
اللى كان هزاز
وسرير حديد
بدالوا جابت
تابت
واهو ضاع جمالها
رأس مالها
وضاع امالها
وده من عامله
وكتر الفلوس
ياريت عدلها
لا اخوها قبالها
ولا حتى خالها
شوفوا أيه بيجرى
للناس اللى خابت
بقت بهرب م الزحمه
وتخاف تقرب للحمه
وتستنى من الناس الرحمه
وعايشه ع الفول النابت
تابت
Top
إرسال تعليق