{{ الله يرحمهم أنا الشهيد }} كلمات الشاعر شعبان مكى شاعر عامية

أنا الشهيد اللي إتولد
و معروف ميعاد موته
أنا الدرع الحامي للبلد
أنا ضهره . أنا صوته
إحنا اللي ف المبتدا
إول ما يجي الندا
أنا و إخواتي الفدا
منسمحش للعدا يفوتوا
إحنا اللي ع الإرض الوتد
إبطال ماليها عدد
إيمانا هو المدد
و زادنا حب البلد
نخرس للجبان صوته
ع إرضها بيتولد
دراويش ف حب البلد
كلة عزيمة و جلد
سر التراب ف سكوته
بس لما بينتفض
تسلم إيدين الولد
يفوت ف قلب الحديد
تحس إنه إتولد
علشان يعيد م جديد
سطور التاريخ ب وريد
دمه يكون قلمه
زفيره يكون سمه
مخفتش من زئيره
تخاف من جبروته
و مهما الدم نزف
م الموت مش خايف
لإنه صاين القسم
و ع اليمين حالف
قدام عينيه العلم
مهما يكون . شايف
يا مفكر تدوس إرضي
يا ناوي ع موته
قبل ما تفكر تخطي
ع جثتي تفوتوا
ده القلب قلب إسد
بيحمي عرين البلد
أنا الشهيد اللي إتولد
و ميهمهوش موته .