،خليه يدوق بقلم فهد النحراوي

‏

،،،،،،،خليه يدوق ،،،،،،،،،،،،

شطوره وشطاره تجنن
عاملالي قال طباخ بارع
الاكل بسرعه بيعفن
والريحه جايبه للشارع

والمعده اشارتها حمرا
اجباري باكل مش قادر
والعيشه معاها بقت مره
لو مره ابرطم وابادر

وافضفض ولساني يطاوع
لمالي هدومها وع الوالد
واهدّي وقلبها بيلاوع
بلا خوته خليني بارد

وجمال اكلك ياحياتي
خلى احلامي كوابيس
من كتر مابلهط يوماتي
انا حاسس لسايا عريس

هعمل ايه مهو لازم
اجاملها واريح نفْسي
ومنايا فى قرار حازم
واشم مره ياناس نفَسي

واقفل ع المطبخ بالترباس
ولامره حد يقربله
الطبخ د عايز استاذ
مش عك ويلا اغرفله

بقلم فهد النحراوي

بنتك طباخه بريمو اغرفيله طبق

دانت هتاكل رجليك وراه