{{منين شافني تعديت سكر بابه }}بقلم محمد طه

منين شافني تعديت سكر بابه ...هناك شي غامض ما عرفت اسبابه...

حسيت ما يبغيني...ما هو كلام الناس ريت بعيني...

اللي قبل يعزم من بعيد ايجيني... وانا قبل نزعل كان طال اغيابه...

يمكن ناسه... والا عوازل يلعبوا في راسه...

كيف نتنسى وانا رفيق احساسه... وعندي رسايل ياسره في كتابه...

ما صارحني ... من قبل شكي فيه ما فاتحني...

وقال السبب من قبل ما يجرحني... يمكن عذرته من عقاب عذابه ...

منين شافني تعديت سكر بابه ......