2-الْقْلْبْ الْمْكْسُورْ: .......... بقلم / المهدي العمري

2-الْقْلْبْ الْمْكْسُورْ:

يْنَامْ يْكُونْ نُومُو لْعْنَة

يْفِيقْ تْزِيدُو الدّْنْيَا مْحْنَة

شْبَاكْ هَلاَكْ وْ سْلاَسْلْ وْ قْيُودْ

الْحُزْنْ دِيمَا لْحْيَاتُو يْقُودْ

مْنْ ظْلُّو يْخَافْ قْوِيَّة الصّْدْمَة

حُبُّو لُغَة حْرُوفْهَا كْذُوبْ

خْلَّى النَّارْ فْقْلْبُو تْحْمَا

أَقْوَى ضْرْبَة تْجِي مْنْ مْحْبُوبْ

بْعْدْ الله وْ الْمْحْبُوبْ فْالدّْنْيَا

مْنِينْ يَا نَاسْ تْجِينَا الرّْحْمَة

يْعِيشْ أَيَّامْ مْلْعُونَة وْ سُودْ

ذُلُّو يَا نَاسْ وْصْلْ لْلْقِمَّة

عْلِيهْ الْحَيَاة بْالظُّلْمْ تْجُودْ

وْ الْجُودْ مَا يْكُونْ غِيرْ بْالرّْحْمَة

هَذَا اسْتِخْفَافْ عْظِيمْ يْسُودْ

حْيَاتُو لِّي صَارْتْ ظْلْمَة

شْكُونْ يْحْسُّ بْقْلْبْ مْفْقُودْ

خْلاَّهْ الْحُبّْ تَايْه وْ عْمَى.

................من توقيع/المهدي العمري.

..................تابع.