عناد بقلم أ عيد العزيز البندارى

كرمشتِ ..
كل الحلم فى عيونى
لما ابتديتِ بالعناد
لنا اتنسيت زى غصفور..
الكرا...
وامـــَّا شوفت النوم..
سهاد
دمعتى ..
مارحمتش خـــِّدى
كشكشِت ..
أملى اللى عندى
وجــعِّدت ..
حُسنى اللى ســـاد..
ع الورود..
والصـُّدود ..
اللى اتولد لى فى سكتك..
من غير ميعاد
كان بين شفايف ضحكتك
طالل كطفل بيتولد..
من غير ميلاد
لمــَّا طيفــك..
يعرقه ظل الأنين
شوفت بكره فى المخاض
بيتولد ..
من جدار رحم العنــاد..!!
إيه خــوَّفك ..
من قلب حَبــِّك..
واترسم ..
على ضىْ فجرك
واتندى بنظرة عينيكِ..؟
الله عليكِ..
لمــَّا طيف الغيره يتكحــَّل..
غرام
فيه انسجام ..
بينك وبين شبح السّهاد
كان ضرورى يزورنى طيفك..
فى المنام..؟
بطــَّلى تجرى ف عروقى ..
بانقسام
تجرى مره..
وأجرى مره..
وازور معاكِ قصرعشق..
الإنسجام
يــااللى قــاسمه ..
معايا ضحكه ..وبالعنـــاد..!!
إولدينى مره تانيه ف رقتك
وارسمينى ..
فوق شفايف ضحكتــِك..
رفرفى فوق سطح دارى..
بطلتك
قلبى دارى..
بشوق هواكِ ف مركبك
دفــَّتك..
تكسر الموج باقتدار
والنهار ويــَّاك يولد ..
ميت نهار
فاكره ..
لمــَّا سمعت وياكِ الأدان؟
يومهــا حسِّــينا بأمــان
كات صلاة مغرب حبيبتى
تشهد النور فى الميدان
شوفنا طيف الحب يضوى..
فى البيان
طيرنا قولى..عومنا قولى
بعدها ومن غير ميغاد
صممت إيدك حبيبتى ..
ترفع الــَّرايه لعنــاد..!

-----------------------
عناد ..عناد
من دبوان جبر الخواطر
عيد العزيز البندارى