لسة قلبك.. نهر يجرى بقلم أ رضا عبد الوهاب

لسة قلبك.. نهر يجرى
جوّاشريانى ..وعروقى
تندهينى.. ياابن عمرى
كلمة يزداد بيها شوقى
حبى ليك ...مش كلام...
أوأغانى والسلام عمرى
كله لوهديته ...ولايسوى
لحظة واحدة من الآلام
أمى أحلى اسم فى
الأسامى... اسمك انت
أحلى رسمة أحلى بسمة
أغلى حاجة معنى فوق
كل المعانى ..أمى لسة
فاكرة كل كلمة كل همسة
العتاب لما كنت تعلمينى
تفهمينى بالهداوة ولاحتى
بصوت عالى ياللى عايشة
جوّامنى حضن دافى حتة منى
نبض ينبض عندك انت لولقيتى
فى عينى دمعة أو قابلتك بالسكات
الحياة فى عينيك ضلمة طول
ماأنا عنك بعيدة وفى لحظة تبقى
حلوة والحياة ...ترجع جديدة
عاوزة أقولك ..كل حاجة بس ما
يوفيك حاجة ..النهاردة شايفة
حاجة أقوى منك عنك بتبعدينى
لسة كلمة فوق لسانك كنت محتاجة
تقوليها ..ليه ياموت تبعدها عنى
وعن حياتى تفصلينى طب سيبها
لحظة واحدة نفسى تانى تحضنينى
تكلمينى ...ليه يازمن تاخدها منى
ليه يادنيا تحرمينى ازاى أعيش
بعدمنها حياتى بعدك مستحيلة
الحياة بعدك تقيلة ...طب تعالى
بس لحظة كلمينى حسسينى
بالأمان بالحنان رجعينى مرة تانية
للحياة أو خدينى جنب منك ما أنا
عايش بس ميت ماأنت كنت لىّ
الحياة ..الحياة ودعتنى يوم وداعك
ولاأصعب الزمن فى لحظة باعك
لسة ايدك ماسكة ايدى الدفا
حاسه فى وريدى فوق جبينك
نور يضوى جنة شايقها فى ملامحك
كل ماالوقت بيجرى وافتكر ماعدت
شايفك بموت مليون ألف مرة
كل حاجة بعد منك ياأمى مرة
الحنان أصبح جفا والأمان فى قربى
منك اختفى والنور اللى فى عيونى
من بكايا اطّفى ولا عاديفيد أى بكا
ومهما القلب اشتكى ماأنا كنت
بشكى ليك وأرمى حمولى ياأمى
عليك طب دلوقتى مين هيطبطب
لىّ جروحى مين هيرجع بعدك روحى
قبل ماكنت تروحى ياأمى كنت خدينى
ليه تسيبينى أنا بدعيلك كل صلاة
زى ماكنت بتدعيلى وافتكرينى زى
ماأزورك ابقى زورينى ..
يااللى أمك لسة معاك لسة الدنيا
مالكها بايدك لسة كنوز الدنيا معاك
ربك كارمك علشان أمك فانت يابختك
تحت قدامها قوم اتوضى طول ماهى
راضية ربك راضى والدنيا والآخرة معاك
ارحم ترحم ..أمك تهلك لو غضبت فى
الدنيا عليك لوتدعيلك تحلى الدنيا
ياعم عليك أمك ثم أمك ثم أمك دى
وصية من نبيك آخر كلمة هقولها ليك.

الشاعرة رضا عبد الوهاب