فيها المربع ومستطيل وضلع يشبه وأدى النيل
بزاوية حادة ومنفرجة وقايمة بخطوط مشتركة
وفيها الالف وشبه منحرف وفيها اللى أصله منحرف
الضرب فيها قليل وكتير والقسمة عدل بشكل كبير
والطرح مقسوم للفقير والجمع يغنى غفير ووزير
دى هندسة مخلوقة للكون والجبر فيها على مية لون
اشكال كتيرة هندسية مشكلة او مخروطية
فى منحنى ومتساوى أضلاع وناس دى عايشة كتير فى ضياع
وفى نقطة سودا وبيضا كمان وفى خلق تطرح كده ألوان
المعطيات نتايجها كتير والرك عالحل بتفسير
الكل مكتوب له فى كتاب ومستنى قدره كده بحساب.
ياسر شرف- كبير محررين مترجمين
بقطاع الاخبار- الاذاعة والتلفزيون
إرسال تعليق