أنا أول ميت عايش حي
________
لو كنتي حقيقي كتاب مفتوح
ده ساعات البعد برغم الشوق
بيزود ليله على المجروح
وانا لسه بقولك عدى وفات
عديتي معايا الحلم سكات
فازاي مشتاق بيشق طريق
صعب نهايته
وازاي ياحبيب الروح
تبعت سلامات
والقلب اهو مات
وهواك بالذات مايفارقنيش
دا انا لما وعيت على ضله بيت
علطول حنيت إني اكون لك
من سد ل سد الحيل اتهد
وياريته بجد المقسوم لك
مشاوير مشاوير من شر لخير
والعكس كتير لو كنت اخير
فمنايا بشوقي إني اوصل لك
حلوه البديات
بتطل عنيكي السود وبدوب
وأنا شايفك لسه بنفس التوب
مااتغرتيش
لكن ده محال إزاي في البعد هوانا يعيش
أنا برضه بقولك من ده الوقت
عمري ماصدقت اننا اخوات
او حتى صحاب
عمري ما خبيت الليل والباب
علطول مفتوح
والشوق غلاب
وعيونك طوق
محاوطني بسر النور والضي
انا أقرب ميت عايش حي
انا يللي مشيت ف الدنيا كتير
ملقتش لبر حنينك زي
لما انتي حقيقي كتاب مفتوح
اقراه ازاي
انا لما بشوف تفاصيل الورد
ونسيم عطره
بياخدني تمللي لتسريحته
والشعر المفرود بالواحده
انا لو بشكيلك م الوحده هطلع كداب
انا ياما تعبت لكني لحد الآن
عارفك
لو بفتكرك
ف ده احلى عذاب
( احمد هلال )
إرسال تعليق