هكمل وحدي
_____
لفه وجرنال
وكتاب مجهول الله اعلم
والباب على اول كف يمين
بيطل لبيت
وانا لسه يدوب
هفتح وادوق
وداني الشوق اول صفحه
بافتح وقريت
بتقوله( ياريت
لوكنت بعدت هناك ونسيت
وياريتني ماجيت)
وانا فجأة يدق قصادي الباب
طلت فاتحه
أيوووه عالشوق ياولاد الناس
دا القلب مداس للحب وناسه وعشاقه
لو يتلاقو
هتكون الدنيا حقيقي براح
من قبل يومين
مولانا الزين
خبالي الضحكه بمنديله
ميل عالخد
رمالي الورد حقيقي البعد ده كله عذاب
واما الاحباب من ليل ورا ليل
بيعدو نجوم الشوق الوان
ااااه م الفستان بخيوط الضي المتفصل
همس وتفاريح
فكرني الجرنال المفتوح
بالروح.
والروح على قد عتاب وعذاب
صعب وكذاب
ياسنين بالملي ومحسوبه
الليل على قد جناين ورد
بتتملا في حضن العشاق
اشواق اشواق مين اللي اتخان
مين اللي اتساب
مين اللي نهاية خوفه فراق
مين اللي اتحب ومين بيحب
ومين على اول وعد اتحط ف ركن البعد
اه يللي رميت النوم للشوق
وف قلب الطوق مقفول بوعود
كان المفروض
ان انت تكون جواه وسعيد
مشهد بيعيد مشهد واكيد
كل المواعيد المفروضه
سقف الأوضه
بيشبك حودايته بمفتاح
اسمه الافراح
لفه وجرنال
ونهاية يوم ف بداية عمر كتير بادي
لو عالهادي
انا هقفل قلبي المرادي
وهكون زي اللي قالوها زمان
وكفاية اني اكمل وحدي
( احمد هلال )
إرسال تعليق