بتقولى صادقة
-------------
لساكى برضوا بتقوليلى كنتى
صادقة ف المشاعر
والا لما لقيتى نفسك وحديكى
ماشيه ف درب واعر
جيتينى تجري وشال مغطى
الوش خالص انسى خالص
انك تشوفى عيون بتبكي دموعها
تجري عليكى طايعه للاوامر
كل دا ولساكى برضو بتقوليلى
كنتى صادقه ف المشاعر
فاكره يوم لما اتقابلنا والحنه
كانت ف الايدين
ساعتها لما سالتك حطيتى
عينك ف الارض منى مرتين
والضربه كانت يوميها توجع
وانتى ماليه الوش بدره
قلتيلى مالك لما شفتى الدم هارب
م الوريد وانتى كان الدم فين
لساكى برضوا هتقوليلى كنتى
صادقة ف المشاعر
كنتى فاكره انى هسامحك لما تبكى
بعد مارضيتى بعذابى قصاد يومين
اديكى رحتى وبعتى قلب اللى
اشتراكى ورجعتى تانى بكلمتين
انا مش هصدك ولا اقلك قلبى
مليان واكدب عليكى
قلبى من ساعة ما هان عليكى
وهو فاضى كانه مستنى الحزين
ياريت تكونى دلوقتى
صادقة ف المشاعر
----------------
بقلمى
احمدعبدالله الاسيوطى
إرسال تعليق