قصيدة / ( قلبى اتوجع )
بقلمى/ هدى سيد
٢٠١٦/٥/٢٠
قلبى على ولدى اتوجع
والواد ولا حس بالوجع
من صغره دايما واد جدع
لا عمره قال اى واتفزع
طول عمره راجل مش خرع
يا فخر عيلتى وعيلة ابوك
يا سندى انت وعزوتى
عكازى ف شيبتى انت واخوك
وايديك بتمسح دمعتى
رقيتك من عين مين شافوك
ولا حتى صلوا ع النبى
نفسى اكون لك فرحتك
واكون سبب فى ضحتك
وازرع ورود فى سكتك
تجنيها فرحة ف دنيتك
وتلقى حبيبة تسعدك
تكون شموع فى عتمتك
وتكون حبيبتك صاحبتك
يرزقكوا يا ابنى بالولاد
خلفة كتير من غير عدد
صبيان كتير وكمان بنات
اجمعهم عندى ع الدوام
احكيلهم ياما كتير قصص
والعب معاهم نتبسط
واما اتعب احضنهم وانام
وف قلب قلبى اضمهم
إرسال تعليق