الــعـــــوافّ
*********
عوافى يا جارتى
امى حبيبتى عليكى بتمسى
وبتقولك يختى هاتى امانتى !!! ....
****
طب خش يا مخفى تعالى لعندى
و
اسمع منى حكايتى العوزه
انا يا وليدى شابه عجوزه
شاربه المر.. وطافحه الخل
دافعه تمنها انا قهر و ذل
دانا غلبانه ماحدش حس
عيشه معدومه
معدش العدس
غيرها شوية لحمه برز
اجيبلك لقمه و دقه وخس؟
وشك باهت عودك خس!
**********
لأاا يا خالتى "انا ضارب كشرى"
هاتى امانتى؟!!
*********
نفسى يا ولدى
فهدمه نضيفه
ولااا غويشه فايدى خفيفه
تنفع يعنى بوقت الضيقه
..
جاتلى فبالى فكره جريئه..
اخدت دور امك ف الجمعيه
وهىَ ادتنى كمان يجى ميه
وباعت ساعة ابوك الحائط
وكاااانت.
عاينه ٢٠٠ كده عندى
*
حجزت اتنين تذكره اسبانيا
ليا ولجوز خالتك .. ساميه
واهو غلبان .. يتفسح حبه
اجيبلك بصله تفتح نفس ؟!!
وشك باهت عودك خس ..
*
يوووه..
وانا مالى يا خالتى ..
هاتى امانتى ؟!
*******
ويووووه ..
ده البعيد مبيفهمشى
روح قول لامك ..
بتقولك خالتى
ملكيش حاجه عندى
****
بقلم
بهاء اللبودى
إرسال تعليق