(علميني).ياسين عبد الوهاب

(علميني).
..............
فاكرة نبعد كلمة سهلة
حا جة مش عايزه العلام
يا للي علمتيني أحبك
قبل ما تهجى الكلام
علميني انساكِ يمكن
أعرف انساكِ وأنام
وامسحي من نني صورتك
مش عايزها تشوف الآم
كنت عايش قبل منك
عيشة عادي والسلام
قلبي شافك راح شاورلك
قال با حبك مش حرام
شفت كل الملايكه فيكِ
وإن مفيش ف الكون خصام
إزاي أهون وتهون عليكِ
شهور بعاد وسنين خصام
عملت ايه أنا بس فيكِ
على قلبي تدوسي بانتقام
كنت ليكِ وبين ايديكِ
تنسي وعدك ليه أوام
غلطة كانت غصب عني
لما شفتك في المنام !!
ويا غيري قاعدة تحكي
والكلام نفس الكلام
صحيت لقيتني حد تاني
شيطان وغاوي لانتقام
بس صوتك راح لحقني
قالى تظلم لاء حرام
......
أول حاجة لقيتها دمي
بنقع يكونلك إعتذار
مـ انتي ليا زي آمي
قلبها مليان عمار
سامحيني مرة واسمعيني
البعد عنك ده انتحار
سألت كل البشر دي عنك
زادو المرارفوق المرار
.....
غلطة كانت غصب عني
فين (حنان ) قلبك وفين
نظرة الرحمة فى عينيكِ ؟
كنت لمااكون حزين
أنسى حزني بين إيديكِ
كل ده دلوقت فين ؟!!
ذمبي والله فى رقبتك
كنتي تيجى فـ ثانيتين
لما أجيب لنفسي سيرتك
نفسي بس ترجعيلي
هتلاقيني حد غيري
حد تاني مش شيطان
وعد مني صدقيني
مش هأمن لمنامي تاني
بس ارجعي ...؟!!
ياسين عبد الوهاب