انتى عارفة...بقلم الشاعر/ صبرى أبوطالب

انتى عارفة...من كلماتى انشاء الله تعجبكم
------------
انتى عارفة...
يعنى ايه معنى حبك انتى ليه بالذات بحبك
معنى حبك...
يعنى عايزك عمرى جنبى حب يملا بضيه قلبى
عنك ابعد و للا افارق وللا اتوه بين المفارق
القا حبك حب صادق بالحنان و الشوق يخدنى

يعنى عايزك زى ضلى حلم عمرى اللى فاضلى
نبض روحى ونين عينى ضحكة تفرحنى تواسينى
تمسح الدمعة فى سنينى لما أضمك جوا حضنى
عارفة ليه بالذات بحبك...
مش هقولك لأ لوحدك راح تحسى
ما انتى عارفة و انتى لامسة كل ضحكة و كل همسة
كل لمحة و كل دقة شوق فى قلبى
بتناديكى تقول حبيبتى
بقلم الشاعر/ صبرى أبوطالب