GuidePedia
بخاطرها على كيفها سيبوها
ما هى قاسيه ع اللى يحبوها
ياما بكت ف عيونى ليلاتى
وأهى رايحه. تشتكى لأبوها
بخاطرها على كيفها سيبوها
بخاطرها.. سيبوها براحتها
دى الحِنه ..لسه ف راحتها
زعلانه ..وبتشكى دموعها
لخالتها........وكمان عمتها
بخاطرها على كيفها سيبوها
بخاطرها م أنا أصلى فاهمها
وحافظها .......هى وكلامها
ها تريح ساعتين .حِدا أبوها
ويوحشها..... قلبها وغرامها
بخاطرها على كيفها سيبوها
بخاطرها... سايقه ف دلالها
وعجبها......حُسنها وجمالها
قمروه.... وأجمل م الصوره
وتملى........ قلبى يحن لها
بخاطرها على كيفها سيبوها
بخاطرها... روح قلبى وعينى
بلاقيها .........وهى تلاقينى
وان غابت ...عن عينى دقايق
ما أحسبهم.من ضمن سنينى
بخاطرها على كيفها سيبوها
Top
إرسال تعليق