سنين وراحت=================
سنين وراحت م العمر ضاعت
فى حبك أنت
والأمانى بينا سراب وماتت
من غدرك أنت
وجى النهارده تفكرنى
وتقول يامحيرنى
هواك مدوبنى
وعلى بعدك مأدرشى
سنين وراحت م العمر ضاعت
فى حبك أنت
الامانى بينا سراب وماتت
من غدرك أنت
جى النهارده تحايل
وأنا ياما كنت بحايل
وقلبك عنى يتمايل
ع الهجر وترجع تتحايل
أيام وفاتت
وبنا الأحلام دابت
والذكريات دى كانت
قصة حب وعليك هانت
سنين وراحت م العمر ضاعت
فى حبك أنت
والأمانى بينا سراب وماتت
من غدرك أنت
جى تطلب السماح
مش هنعيد اللى راح
وكفايه بكى ونواح
قلبى كله جراح
وتعبت من الأه وسهر الليالى
والجراح ياما الأيام تداوى
من صبرى على جراحى
صرخ الصبر وقال يانارى
ع الصابر وجراحه
فى سهر لياليه ويا أهاته
على راح من عمره واللى فاته
===================
جابر خلف الخطيب
إرسال تعليق