GuidePedia
إنتي ليه زعلانة مني
لما أنا عرفت الحقيقة
ولا فاكرة إن سني
إللي فاضل فيه دقيقة
ليه في لحظة بعدتي عني
وفايتة روحي ليه غريقة
_______________
بقسوة ليه نزلتي دمعي
ع الخدود يجري ويكوي
بأديكي جيا تطقي شمعي
وسبتي نار البعد تشوي
بعد ما كونتي لي سمعي
وفايتة دمعي لخدي يروي
_________________
إن كان هواكي لحد تاني
قولي ليه شغلتي قلبي
سهران بيحلم بالأماني
إنك إنتي تكوني حبي
دا إنتي غيرتي زماني
وبالقساوة مليتي دربي
_________________
شايفة نفسك ليه عليا
ليه ما فيش ف الدنيا غيرك
يا ما شلتك في عنيا
وكنت فاكرني أميرك
وكنت فاكرك انتي ليا
خليتي ليه قلبي أسيرك
ارحميه طيب شويه
Top
إرسال تعليق