لون الشوارع فرط رمان
حابى منه زعلان
بينادى ع الكهان
افتونى فى رؤياى
نهر دم احمر
ماشى معاى
بينادى على رع وتوت غنخ امون
وكليو باترا وحتشبسوت
شامم ريحة الموت
فى كل مكان
وفى الضهر والعصر
مش هى دى مصر
مصر الحنان والامان
مصر الحضارة والمنارة
يا خسارة
صبحت بواقى بلد
اشلاء بين يد الزمان
افتونى ايها الكهان
هل اطلقتم عليهم اللعنة؟
اخرجوا من القبور
امسكوا ايد الشيطان
انا اجرى بين الجنان
مش هاجرى فى هذا الفيضان
من الدم
كان بودى اسقى بلدى
واجرى فى واديها حر
لكن المصرى بيشرب دم
فى فطور شهر رمضان
مش هى دى مصر
الشاعر عبد الله الهوارى قنا قوص جرا جوس
إرسال تعليق