--------------------------
تصور تيجي تشرب كوب ماء
تلاقي فيه مخلوقات حية
مرة ديدان .. ومرة يرقات
دا الواحد بيحمد ربنا ليل ونهار
إنه مابيطـْـلعـْش من كوب الماء ثعبان يعني " حنش "
ويروح باخخ في وش الواحد ويقول له :
مش عيب ياراجل تقول علينا ديدان
إحنا تعابين يابابا يعني " حِنِشـَـة "
يعني أكبر من ديدان كوبيات مياهكم
وكويس إنه مابيبلعش الواحد وينزل بيه كوباية الميه تاني
المدهش المحافظ طلع " فضيحة " ياجدعان
خلاني أنفعل إنفعالا شديدا من كثرة الضحك
بيقول للمذيع : دي يرقات بعوض ؛ آه والله
يا نهار ملدوع ياجدعان
يعني يرقات البعوض الضارة ماتعملش حاجة
لأ وإيه بيقولها بمنتهى الثبات والعادية
ولا كأن حاجة حصلت في الدنيا
يا " سيادة اللواء " المحافظ مش حا اقولك
الروشته وفاتورة العلاج علي حسابك
وأطالبك بدفع ثمنهم لي ونقدا وعدَّا
خاصة وإني ممنوع من الإنفعال بأوامر الأطباء
ولكن حا اقولك : إللي اختشوا ماتوا
------ فهمي إبراهيم ---
إرسال تعليق