قلبك نساي
======
قلبك كالعادة يرق صحيح
لكن وصحيح
ماشيين ف طريق على عكس الريح
الله يالقاك الله الله
وانا تهت خلاص
وماعدش خلاص م التوهه ف بحر عنيك السود
قلبي الموعود بقى ع الهادي
قلبك ف العادي اتشق فراق
علمته اشتاق
ونويت العمر اكمل بيه
لكن معاليه بيسوق ف دلال وازاي اراضيه
وانا قلبي الطيب لسه يدوب متونس بيه
من يوم ماندهلي العشق جريت
هونتي عليا الليل وصحيت
على لمة بيت
واتاري الحلم اللي حلمناه
بقى عكس الريح
قلبك بصحيح محتاج من ضل الشمس يدوق
ويشق مرار الصبر شروق
يللي انتي نسيتي الود اهو هان
قلبك وزمان بقى ماضي وشوقك طوق ورا طوق
وكأنه ف سوق بيبيع الخلق ويشتروا فيه
ازاي اتسمى الهجر دا حب
صبرك يللي انتي سكنتي القلب
قلبك مسافات اشواق وحاجات
وانا مش من توبي اتكفل بيه
انا بس بقولك عالمضمون
وان هنت يهون
لوكان تجريح
قلبك ف العاده بينسى صحيح
احمد هلال
إرسال تعليق