عذاب الغربة!
( زجل مغربي)
يا سامع هاذ لكلام
يا ذاك الفاهم والعاقل
مع ناس اخرين ف مكان
تحس بنفسك معاهم غريب
ولا تمنى محنة غربة لقريب
مع ناسك معذبك لحبيب
الغربة احساس حزين
غصة فالݣلب تجعلك تنين
لمجرب فاهم معنى لحروف
وذاك لمهني والمرتاح
بكلامي هذا ما ملزوم
الݣلب لمعذب يبوح ويݣول
ولي ما عجبوا هاذ لكلام
يݣول علي مجنون
كيف سوايع البارح كيف اليوم
بلا ما التعجب ولا التشفى فالغير
ذاك المسكين المضيوم
ما حاس بالمزود غير المرذوخ بيه
والعايش هاني فهاذ الزمان
يعجبك ديما بكلام الفوحان
يحل فمو بنصايح كثيرة بايخة
ما تصلح ال حد ولا تفيد
وأنا بصداع عياقتو ما ملزوم
-بقلم: محمد دومو
-مراكش/ المغرب ( 07 شتنبر 2023 )
.jpg)
إرسال تعليق