ولا كل أرض
مش كل أرض
بترمي فيها الحبه تطرح
ولا كل قلب ومال لحب
مش كل غصن من الشجر
بيطرح ثمر
ولا كل ضي بنحسبه
طلة قمر
اوعي المظاهر تخدعك
او بالصور
تحكم علي طبع الخلايق
بالنظر
البحر صعب تدركه
وكتير بيخدعنا البصر
وبدون شراع علي مركبك
ولا دفه هيكون الخطر
ياما ضللنا السراب
وخدعنا لمعان الحجر
وحسبنا ان بريقه ماء
من نبع سايل او مطر
وبعد ماشقينا السنين
وتعبنا وانهكنا السفر
ماجنينا غير عطش الحياه
وسعيرها من حر سقر
ولا عدشي سكه للرجوع
إلا نسلم والخضوع
وايه يفيدنا من الدموع
بعد ماضاع الاثر
احمد محمود عوض سعيد
الرحامنه فارسكور دمياط
.jpg)
إرسال تعليق