التفاحة
________
عدي القصايد جمله وبراحه
وابنيلي بيت ف القلب ومساحه
ياامو الحنين دي الغلطه تفاحه
مالت عليا سنيني واتباهت
وفضلت باهت وحدي من وحدي
انا كنت ضلك في الهوي وثابت
مع كل عمر يعدي من لحدي
لكن حصانك لجم الخطوه
ضل الطريق فعملت قلبي طريق
عدي القصايد واحسبي براحتك
كام عمر ميل يومه م الشبابيك
سرسب معاه الوقت نخ الحيط
وانا لسه ماسك وحدي طرف الخيط
وانتي البعيده عنيده وقويه
بتعشميني وفوق سريري الليل
صوته اتنبح . حريه حريه
أنا جاي مجاش بكره وفضل كداب
خلاني سبتك بس هو اتساب
خلاني اعد الغربه بالراحه
يامو الحنين
دي الغلطه تفاحه
عدي الوجع بنوته بضفيره
لساها دبله ف ايد جدع واتهد
كتبت بحبك عالشجر ولاجاش
مات الجدع جوه المحن اشتد
عودك ياضل لكل ضحكه أزاي
شايل بكفي الروح مقلتش أااي
خليني أعيش ناحيه قصااد ناحيه
واحيا واقولك في النشيد تحيا
تحيا اللي كانت ياااااه خلاص تحيا
يرضيكي خوفي يطل م الشباك
والليل (ياماااه) والوحشه كدابه
يللي اتسرقت ازاي سارقني معاك
و الدنيا مهما بتدي قلابه
يرضيكي ابص لروحي في مرايتك
والقاني صيد يادنيا ياغابه
عديلي عدي اتمختري يامه
شايلك وجع غمه قصاد غمه
بحلم أشيلك بس قلبي ضعيف
مبقاش يسعني الحب ف الضلمه
عدي المصايب بس بالراحه
وسبيلي بيت جواكي ومساحه
مش كل جنة حب جوع ورا جوع
ولا كل آدم ... مات بتفاحه
بقلمي ( احمد هلال )
.jpg)
إرسال تعليق