كـفــر الـمـعــزة _ بقلم إبراهيم بدر

# كـفــر_المـعــزة

كفر المعزة شهامة وعزة

وفيه المجدع والحبيبة

أهل الكفر مايخفم لحظة

وقت الشدة وفيهم طيبة

عمي محمد إبنه مهندس

عمي سميح كات بته طبيبة

أما العمدة دا راجل ظالم

يفرح جدا لو في مصيبة

إخبط ارزع واوعاك تزرع

كفر المعزة اتملى هليبة

عم حماصة طيب جدا

بس ولاده دول شريبة

شيخ الجامع راجل لامع

دقنة طويلة وعنده زبيبة

يخطب خطبة تبكي السامع

بس ف نفسه خايب خيبة

عمك جرجس حنا مرقس

راجل كاهن عنده الهيبة

لو في مناسبة يشرب يرقص

مرقص اصلا عيشته كئيبة

كان الكفر ينام م المغرب

وفي الفجرية يحشوا دنيبة

اللي بتكنس واللي بتحلب

واللي تصحي البت وهيبة

واللي بيركع واللي بيسجد

جابوا النت وعرفوا العيبة

حتى ولادهم عرفوا القهوة

وبقوا يتعاركوا وبقوا سبيبة

أهل الكفر يبيعوا حليبهم

والطعمية دي واجبة مريبة

حتى الأرض الخضرة بارت

والفلاح بقى يشرب بيبة

عملوا مظاهرة وشالوا العمدة

وبقى عمدتهم إبن رتيبة

وسلح غفره كمان بالشوم

أصل العمدة دماغة رهيبة

كفر المعزة حاله مشؤوم

ابن العمده عمل له ضريبة

تدفع تشكر يلا يدوم

والصبيان بيسبوا الشيبة

اللي حيفتح حنكه بكلمه

أخره حيسكن جوا زريبة

.....................................................