قوليلي أجيلك بأي الوجوه
بقيتي غريبه فجايز اتوه
شوارعك
م بقيتش نفس الشوارع
بيوتك
م بقيتش نفس البيوت
لا عاد ف البراري
عصافير تغني
و خيم عليها السقيع
و السكوت
و كل اللي حب بحراره
نفوه
قوليلي أجيلك بأي الوجوه
و جتلك بوشي الكئيب
اللي مايل
دروبك لا فيها
صحاب
او زمايل
دي حتي الورود اللي كانت بتضحك
تشوفني النهارده
بتعمل عمايل
و شِعري اللي كانوا زمان
يعشقوه
شافوه النهارده
فضحكوا و رموه
قوليلي أجيلك بأي الوجوه
اقابلك بقلبي
اللي لساه بينبض
و الا بقلبي
اللي سوس و مات
حلفت لهكتب
ف غدرك قصيده
و لو في حياتي هتفضل ساعات
عشان انت كنتِ
حياتي و مماتي
و كنتِ ف عيوني
جميع البنات
و انا كنت بعضك
انا كنت كلك
أنا الهرم اللي رموشك بنوه
قوليلي أقابلك
باي الوجوه؟!
سيد عبد العليم
إرسال تعليق