عبد العليم ابو عبده·
معدتش ف العمر باقى
------------------
عشان اشلشل او اولول او اهاتى
واقول ياوا د اجرى واتعب
عشان البس واوكل عيالى ومراتى
دانا على نقسى بصعب
ساعة مااشوف الزمن الاغبر
واقول ياواد اصبر
وفين العمر للصبر يوماتى
عديت الستين
ولسانى م المساكين
لاعيل فلح ف مدرسه
ولاهدمه ولقمه كويسه
وضلوعى على دموعى مكربسه
انا ف زمن الهلوسه
بستنى لحظة مماتى
-----
معدتش ف العمر باقى
عشان اجرى ورا لقمة العيش
واجيب لعيالى اللى عايزينه
انا عامل زى سواق خلص بنزينه
ووقف ف وسط الطريق
لاله حبيب ولا صديق
على وقف حاله يعينه
ازاى اعمل من مفيش
وكدب اللى قال البطن تحابيش
والتواضع ف لبس الخيش
امال ف مين التلطيش
غير ف اللى زى حالتنا
الهموم وحلتنا
والمعونه مفيش
------------
معدتش ف العمر باقى
وبلغت الروح التراقى
ولادايم ولا باقى
غير اخره وحساب
ونهايه لكل مغلاب
واموت على لحم بطنى
وهم ولادى ومراتى عبطنى
وانسى الزمن اللى شحططنى
واسيب لغيرى
اللى اتمنى مصيرى
الراحه والكباب
اه من كل اه ماليها العذاب
ف زمن الحب الكداب
-------
حموت وكلمة الحق مشعبطه ف اسانى
حموت والظلم مبهدل كيانى
حموت وكل هلفوت حياخد مكانى
وسلطان الاكابر
ف الزمن الغابر
له منابر
هيه اللى ف داهيه موديانى
ربنا يصبركو ياعيالى
ف زمن الحوع والدموع والمبالى
والحريه اللى تملى معذبانى
ومكرهانى ف اهلى وناسى
ومدوبه احساسى
ف نظره حابره
ودنيا داير ه
متمتع فيها كل انانى
--------
الشاعر \\\ عبد العليم ابو عبده
كلماتى ومسحله باسمى
.jpg)
.jpg)
إرسال تعليق
الابتساماتانقر لرؤية رمز الإبتسامة
لإدراج التعبيرات يجب إضاف مسافة واحدة على الأقل