مال وأحلام(لهجه صعيدى)
بقلم محمود عبد المتجلى عبد الله
---------------
قلت اجيب العيش لولا دى
أصل اولادى شويه بعافيه
رحت وقفت لقيت طابورين
طابور رجاله وقدامي تسعه
أما طابور الحريم عشرين
قلت راح اوقف وربى يسهل
معقول حارجع من غير عيش
وقفت والشمس فراسى بتنقح
وعرقى زى السيل من وشى بينزل
وبمسح عرقى بكمى وصابر
يمكن يجى عليا الدور
كل شويه يطلع واحد بقصف العيش
يحس بنصر ولا سته اكتوبر
فاز بالعيش ولا احسن جيش
يفرد عيشه على رصيف فى الأرض
وحاسس انه غيره مفيش
والناس بتبص له وتتحسر
يا ترى حيجى علينا الدور
ولاحنرجع من غير عيش
أصله بيخلص بعد تمانيه صباحا
وإلى مخدش بياخد زومبة
ويروح يشترى عيش بالغالى وميكفيش
قلت يارب أسترها معايا
وحقق أملى وحلمى بعيش
قربت اوصل الشباك
قدامى اتنين
والصف الثانى زاد عشرين على العشرين
وفجأة قالو ا خلص العيش محدش بزعل
وراحت كل امالى وحلمى
وعرقى بالل وشى وكمى
راح أعمل ايه
حادعو ربى غيره مليش
حادعو ربى غيره مليش
--------------------------
شعر/محمود عبد المتجلى عبد الله
من ديوان مازلت ابحث عنك
26/4/2
إرسال تعليق