( بعد ما كانوا ملايكة معاى )
****************
وجاتنى الغالية ....فى عـــز
النــــوم
بــــوجه منور زى البـــــدر
وقالت اصحي ...
يا عيـــب الشــــوم
لساك نايم ..والناس صلــت
بدري الفجر
إيه حكايتك ...بس يا ولــدى
ما ربك عارف
إنى دعت لك .. ليلة القـــدر
بس الظاهر
قلبك أسود .. ولساه قاعــد
مليان غـــدر
قــــــوم من نومك يا بنى
وصلى
وإيــــاك تترك فـــرض الله
أصلو أبــوك زعـلان منيك
ومـــن ساعتين أهو جانى
وقاللى
حط خواتك جـوه عنيــــك
وان كان فيهم حـد يلـــوم
سيبك منه يا ولدى
........ وولى
وخليك يا بنى زى العــادة
شخص خدوم
جايز لو كان يعرف قيمتــك
كان هيفكر كيف يرضيــــك
خليك يا بنى فى عزة نفسك
وخلى حياتك
..... حلوة تملى
ولو كان ناقص منك حاجة
جــــــــوه مبادئك
إبـــنى ..... وعلى
وفجأة صحيت من نومى
مـــذعـــور
فينك يـــــامه ...وليه سبتينى
جـــــوه كــلامك .... ألـــــف
وادور
ليه يامايا ... تيجى وتحفـرى
فيا جحور
ما بعد وفاتك ...حصلـت ياما
أمــــــــــور...... وأمـــــــور
بعد وفاتك ..أنهــــدت يامــا
جســــــور...... وقصــــــور
حتى احبابك ..بعد ما كانــوا
ملايكة معاى
نهشوا ف لحمى... وبقيــوا
نمـــــور
جـــايز لمــا ... شـــــافونى
وحيــــــد
كــــل النــــاس بتعيـــــد ...
وتزيــــــد
ودايما قاعدة وسط ولادهــا
وابنك عمره.. ماشاف يــوم
عيــــــد
ما انتى عارفه الرزق بتاعى
رزق بنات
وكــيف يـــامايا ..هاجيــــب
الــــواد
بعـــــــــد القطــر ما عــــدى
وفـــــات
حتى الصدفة .. لو كانْ تخدم
جــــــايز كــــــــانت ... تجرا
حـــاجات
من بعد وفاتك ..ولــدك يامه
عايش دايما
فى الأزمــــات
إلحقى يامه... وقولى لبويــا
ابنـــك .... بعـــد ما سبنــــاه
مـــــات
***********
شعر / حمودة سعيد محمود
الشهير بحمـــــودة المطيري
إرسال تعليق