الخميس : ٢٠١٨/٥/١٠
الساعه : ٨,١٥ صباحاً
& سعيد عبد القادر السيد &
$ عاميه $
# زعـلان #
زعلان منك يا صاحبي
زعلان منك بجد
فجأه لقيتك نسيتني
نسيان فاق الحد
كل ما أرن عليك
عليا مش ترد
زعلان منك يا صاحبي
زعلان منك بجد
فرحت فيا العوازل
قطعت بينا الود
قالوا لي صاحبك بيتجاهل
إتصالك ولا بيرد
آمال فين المحبه
وصداقه ملهاش حد
زعلان منك يا صاحبي
زعلان منك بجد
قلت لهم لا تلوموني
أنا مش عارف أرد
هو خلف ظنوني
ولا أيه القصد
بكت كتير عيوني
فضلت أه الصمت
زعلان منك يا صاحبي
زعلان منك بجد
عهد عليك يا قلبي
ما تحب أي حد
وتقول عليه حبايبي
وهو يسيب الود
ده حبه يا ناس بقلبي
حب مش أي حد
زعلان منك يا صاحبي
زعلان منك بجد
&&& بقلبي
سعيد عبد القادر السيد
شاعر ال ش و ال ش
الشرابيه و الشرقيه
القاهره / أبو حماد
إرسال تعليق