يالي خلخالك بيلمع في عيني
ورنة خلخالك بتصحيني
كجيتار بيعزف وبيشدني
ونهر في الغرام بيرويني
كل ما أعطش يصب ويسقيني
من وسط الحريم
بقيت عارف مشيتك
و عارف إزاي أحدد خطوتك
إلي خلت رجالة بشنبات
تحسدني على محبتك
و تفضل تنتظر ساعات طلتك
في الحارة قالوا عليكى صنارة
بتخطفى القلوب النعسانة
و فرسة احتاروا فيها الخيالة
وصفوكى ملكة
و إنتى بترقصي رقصة الحجالة
وقالوا عليكى كمان فراشة
و إنت بتلعبي لعبة الاستغماية
وتخلي العقول في حالة
عايشة كأنها سكرانة
الحتة في جمالك كل يوم في غارة
والقلوب معاكى بتسهر الليل حيارة
كأنهم شاربين غرام في خمارة
الكل قال عليكى حمامة
بترفرف زي السحابة
وغمض عينه الهيمانة
وفضل يحلم بيكى
وعلق عقله على شماعة
و فيه من صرخ
وقال اتفرجوا على الرجالة
إلي بقت على النسوان عميانة
و هي دي كل الحكاية
حكاية الملكة إلي جننت الرجالة
كلمات الشاعر /طارق جلال الحسينى
إرسال تعليق