الحلقه الثالثه من برنامج المسحراتى الذى أذيع بالتليفزيون فى رمضان عام ٢٠١٥
للشاعر مصطفى فريد
مسحراتى
داير انادى
فى كل وادى
أقول يا هادى
احرس ولادى
وانصر بلادى
من الاعادى
والطماعين
الواد بشندى
جه مره عندى
فى المغربيه
جايب هديه
كتاب معلم
حروفه ناطقة
بالابجديه
شكله جميل
قال لى القرايه
هى البداية
لكل غايه
معاها اخطى
وافك خطى
وامضى فى خطى
للمستحيل
يافرح هدى
دا بعزم يدى
بنيت لى سدى
وكتبت ردى
مين بس قدى
خدت الشهادة
دا العلم زين
بانادى دايما
الله ربى
وهادى قلبى
فى كل وقت
وكل حين
إرسال تعليق