قصيده بعنوان
رضينا بالهم وساكتين
===========
ياحكومه خفى علينا شويه
خليها تضحك بس يومين
الحاله غاليه ومستكفيه
وصبرنا ياما وعيشنا سنين
أسعار تذاكر زودتوها
واللحمه غاليه الطاق طاقين
الخدمه كحلى وزفتوها
ونسينا عيشةالبنى أدمين
الصرخه فينا طنشتوها
وعملتوا ياما مش سامعين
ولو شكينا بتشعليلوها
وتقولوا جهله ومش فاهمين
ياعباقره يا اللى خنقتونا
قولولنا بس نروح على فين
غليت عيشتنا وشحتونا
ورضينا ب الهم وساكتين
واللى بيسرق عاش فيها
وإحنا الغلابه مش عايشين
والخير كافيها وماليها
وحضنها بيساع ملايين
بلدى كريمه وأصيله
والعيب فى طبع البنى أدمين
ظلموا شبابها وضواحيها
وبيسراقوها من سنين
ياحكومه خفى علينا شويه
تعبنا من كتر التلطيش
أبسط حقوقنا مش باينه
وإزاى هنقدر بس نعيش
فى خلق عايشه ومش عايشه
قضت حياتها ف التهميش
ومهما قولنا أو عدنا
تقولوا بكره وبرضه مافيش
============
كلمات الشاعر محمد ثروت
إرسال تعليق