•• حلم الضياع ••▪
عمادالدين العيطة
=====
صدقتهم ..لما قالولى
إضحك تعيش .. إضحك لها
وإحلم تعيش ملك الزمان
وإحلم كمان ومهما كان ..
حلمك كبير هتحققه
دى الدنيا للى يضحك لها
ضحكة جميلة بتسبقه
دى الدنيا غنوة ع الكمان
وآااه ياعينى ع الزمان
وآااه ياعينى ع البشر
صدقتهم وفضلت أحلم
إن الحياة جيالى من غير دمعها
سايبة بعيد مرها .. وحزنها
وفتحالى من تانى حضنها
وإنى هعيش .. وفضلت أرسم
ضحكة على وشوش البشر
ضحكة بريئة من غير خداع
وقلت ياريت القمر ..
يفضل هنا وينسى معايا الوداع
لكن ياعينى ع القدر حتى القمر
فى لمح البصر سابنى وباع
وآااه ياعينى ع الزمان وع السنين
كل حلم عمرى ضاع
واللى فضل دمع وأنين
وأجيب منين صبر ياناس
وإزاى أداوى جرح ناس
كانوا حبايب بس طلعوا كدابين
===========
عمادالدين العيطة
=========
إرسال تعليق