الـجـمـــال $$ بقلم محفوظ البراموني

الجمال ..

يمين و شمال ..

مسكت قلمي أكتب عن الأثنين ..

أوصف جمال العين ..

و الشفايف و حمرة الخدين ..

قاللي قلمي ..

هتبدأ منين و للا منين ..

قلت له ..

مش عارف أروح فين و للا وين ..

الأولى ب تلمع ب لمعة جمالها الجميل ..

الثانية ب تدمع ب دمعة عجزها التقيل ..

طارت مني حروفي ..

إختفت كلماتي يا خوفي ..

مش عارف أجمع حرفين ..

و لا ألملم أى كلمتين ..

غصبت ع القلم ..

و أمرته يوصف لو ب سطرين ..

هو ده ..

جمال زى آل بنى حلوين ..

و لا إنتي ملاك و إحنا مش عارفين ..

جمال أسطوري لخبط سطوري ..

يتحكي ب حكايتين ..

أحكي عن البشرة و للا لون العين ..

القلم بص ليا و إستغرب ..

عايز يقول لي يا كداب ..

إنت ب توصف ف مين ..

أوعى تقول لي ف الإتنين ..

ركزت .. توهت .. صدعت ..

مش عارف رايح فين ..

و للا أجيب الحرف منين ..

سمرة و سمارك متلون ك الليل حزين ..

و للا العين اللي زى نجمتين ..

ف سما صافية تفرح قلبين ..

يا بنت ..

يا حلوة الحلوين ..

الحلوين جنبك أصلا ميتين ..

علشان ..

إنتي أحلى و أحلى الحلوين ..

و الجمال جنبك أوحش الوحشين ..

كده قلمي عرف ب تكلم ع مين ..

أما إنتى بقى يا عفريتة و إنتي ب السيجار ..

خليتي القلب من العقل إحتار ..

جننتي قلمي و الحرف من الكلام طار ..

شعللتى النجوم و الليل بقى نهار ..

خلاصة الكلام يا ست الشطار ..

مش عارف أقول إيه ؟؟

قفلت القلم و رمتيه مرتين ..

زعل القلم ..

و قاللي ..

قطع الورق و إرميه يا مسكين ..

دا جمال فوق الوصف ..

خدها و حطها ف المتحف ..

الناس تشوفها و تحلف ..

إنها ما شافت زى ..

عجوز منور ب ضي ..

هذيان قلم : 

: محفوظ البراموني :