الحكاية و الرواية
الحكاية و الرواية
والسيناريو والحوار
واللي بابع وال شاري
وال خدها بإلايجار
واللي نايم وال صاحي
والليالي و النهار
وال شايف مصر حلوة
رغم أنه ف المرار
وال كاتب الف غنوة
وحروفه ضرب نار
اللي عينه شايفة حاجة
وانا عيني شايفة حاجة
وال فاكر نفسه حاجة
و خدها جد أو هزار
واللي ماشي تاتا تاتا
أيده واخده ع الشحاتة
اوعي يرسم الالاطة
ولا يمسك الكرار
واللي ماشي بكل سكة
فكرة أن الدنيا سالكة
والتقاها بجد سكة
قام خاتمها بانتحار
واللي ماشي ولا همه
رغم اني ابقي عمه
لو يسلم راح اضمه
جوة قلبي يلقي دار
واللي فارق واللي راجع
وال حبه كان مواجع
واللي ضيه لسة ساطع
وابتسامته ميت نهار
ألف قصة يا حبايب
بابي سايبه سنين موارب
لأجل تمشي المراكب
والمواكب دق زار
قصة طارحة ميت حكايه
والحكاية ميت رواية
كل اول له نهاية
وبكرة ينزل الستار
بقلمي/#الشاعر_ابراهيم_دعبس
إرسال تعليق