من ديوان شعبيات بلدنا
اغنيه للأطفال
القطه بوسى
.......
أنا كتكوته ست سنين
و علشان حلوه و م الشاطرين
ماما جابتلى قطه هديه
بتلف و تلعب حواليا
و بشربها لبن بإيديا
اسمها بوسى وانا ياسمين
.........
كل اصحابى بيحبوها
و بيجوا عندى يلاعبوها
و بتبقى فرحانه بيهم
و بتتنطط من حواليهم
بفيونكه حمرا ف رقبتها
و هى بيضا زى ابوها
.......
بتفرح لما حد يشيلها
و عليه تجرى لو يناديلها
الخيط و البكره تكعبلها
ولو حطينا ورقه ف ديلها
زى الساقيه تلف وراها
و احنا بنضحك فرحانين
انا كتكوته ست سنين
.............................................
محمد مكاوى
عضو رابطة الزجالين وكتاب الاغانى
============
إرسال تعليق